Back to all stories
Written story
Disappointment
الخاين المحترف
انا كنت متجوزة ومعايا بنت وجوزي مكنش مسؤول عننا أو عن بنته ع الأقل بيقعد كتير من الشغل وأهله واهلي اللي بيصرفوا واهلي اكتر ف الصرف
د
دينا محمود محمد
12 views
0
ربنا اداني إشارات أن الجوازه دي مش تكمل بس الحمدلله ع كل حال أنا اتجوزت ١١ سنه اول سنتين الدنيا تمام وشغال وبيصرف بعد كده قعد من الشغل وكان شغال سلف من أمه عشان الايجار والأكل والشرب بس انا كنت معارضه ع الوضع ده كنت أقوله انزل اكنس الشارع وهات فلوس بالحلال كان عاوز ينزل ف شغله مدير قولتله غلط لازم تبدأ واحده واحده كان شغال شيف فضلت أمه تصرف واهلي اللي هو يقصر فيه هما يكملوا أنا كنت متجهزة جهاز كتير كان يتخانق معايا عشان اروح عند اهلي كان بيطلع حاجات من جهازي ويبعها عشان ياكل وهو لوحدو ف البيت وكان يعبي الشنط لعب بنتي عشان مش اشك أن الشنط فاضيه ف الاول مش اكتشفت كل ده الحاجات اللي اتباعت كان يجي يصالحني واروح عشان بنتي والبيت مش يتهد لما كان بيجي عندنا بدأ يمد ايده ع دهب امي سرق انسيال احنا بندي الامان لاي حد وده جوزي يعني مش هنشك أنه يعمل كده وقتها هو كان الإدمان الوحيد السجائر والقهوة فقط مخدرات لا مكنش بيتعاطي مكنش بيصوم ف رمضان ولو روحنا عند حد كان يصلي عندهم عشان يقال إنه بيصلي وبيتقي الله نقلت من شقه لشقه عشان الايجار بيتراكم واهلي اللي كانوا بيدفعوا فلوس النقل والمقدم كان يخليني اغضب عند اهلي ب شهور وهو شايف شغله ف جهازي بيبعوا كان بيسرق من محفظه أمه الفلوس مكنش بار ب أبوه ولا أمه ولا اخواته ولا كان اب ولا سند ولا راجل لينا جه المأذون كذا مرة عشان يطلق كان بيفضل يتعذر وأنه هيكون انسان تاني وهيشتغل وكنت ارجع وكنت بنسي وبرجع عشان خاطر بنتي مش تتربي بعيد عن ابوها لأنها كانت متعلقه بيه جدا كان بيتلكك ع اهون سبب عشان امشي من البيت اوقات كتير مكنتش بمشي المهم مشي وساب البيت بعد م باع كل حاجه من هدومي وطقم الصيني ورفايع بتاعتي رفعت قضيه طلاق للضرر والحمدلله اتحكم فيها واطلقت هو قاعد سنه ونص معرفش عنه حاجه ولا حتي بيسأل عن بنته مجرد سؤال أنا مطلقه بقالي سنه وهو هو ولا بيسأل حتي ب مصاريف بنته أنا عشان اقدم ليها ف المدرسة عملت ولايه تعلميه عشان هو مش ف دماغه والحمدلله انا ليها ام واب واهلي معايا مش سيبني