Back to all stories
Written story
Disappointment
حسبي اللّه ونعم الوكيل
ظلم، خيانة، تعب، نذالة....كل كلمة قاسية ممكن تخطر ببالك!
A
Anonymous
1 views
0
كان الي 12 صديق، كنا كل يوم نسهر سوا ببيت واحد من اصحابنا، وبهالبيت كانت علاقتنا كثير قوية مع اهل صاحبنا، وكان الهم نسيب ممكن نسميه (نادر) خاطب اخت صاحبنا ومسؤول عن حركة شبيبة بقريتنا، وصرنا نشتغل معاه بالحركة وعلاقتنا صارت قوية جداً، وصرت انا شوي شوي اصير ايدو اليمين بكل شي وحتى اسوي كل شغلو وشوي شوي صرت انا اعمل شغلي وشغلو وشغل الكل وصرت انا اسوي كل شي من ورا الكواليس وبالواجهة هوي...وتقدمت بحياتي وصرت اشتغل بنفس مكان شغله الي بجانب شغله الي بالحركة، وبعدها صار بشغلنا الجانبي هاد كمان يستغل طيبة قلبي ويخليني اسوي شغلو هناك حتى، يعني هوي بالمحلين قاعد بثبت وجود وانا الي بعمل كل الشغل وبالاخير هوي بيقبض دخل عالي وانا قروش (هاد ابداً مش موضوعي) بيوم حبيت صبيه جداً محترمة وانسانه ما بتعرف شو يعني حُب غير حبها لابوها وامها واخواتها، وبالصدفة اخ هالبنت بيكون صاحبو، وصرت شوي شوي اتقرب من هالبنت واولاد عمامها وصرنا اصدقاء وشلة انا وهني، هوي صار يحس انو ما عاد في الو خادم اسمو ادم ينفذلو طلباتو وينتا ما بدو وما عاد حدا يساعدو ومعو كل الوقت وبكل محل، وهون يمكن بلشت الحكايه، بلشت الحكايه الي فيها انا تدمرت، الي فيها انا تاذيت، صار يلاحقني باي طريقة عشان يوصل لاخوها للبنت اني بحكي معها وبدي ياها وبيوم اخو البنت عرف بسببه وعصب كثير ولفترة شهرين ما بحكي معها وما بشوفها بس قلبي معها، بس هذاك النذل انبسط لانو سوا الي براسو وعمل الي بدو ياه، وبعدين صار انو اثنين من باقي اصحابي وقفو بصفو ودعموه وقاطعوني وما عاد يقلولي مرحب حتى، وحتى باقي اصحابي ما حد فيهن وقف وقفة زلمي وقال آدم مظلوم او معه حق، كل حدا فيهن قرر ياخذ موقف محايد، حتى النذل هذاك خلى كثير ناس تجيب بسيرتنا وبسيرة الصبية يا عيب الشوم عليه ما بخاف ربنا حسبي الله ونعم الوكيل بشكيه لربي...
في كثير تفاصيل ممكن تنزاد وتنحكى وما بعرف اذا حكايتي الي عالرف جد قدرت توصل كيف انا بحسها بس احساسي كثير صعب، واناا اكتب القصة وانا نفسي الشاشة تحس بالي جواتي ومشاعري توصل صادقة كيف قاعد بحسها
كثير كثير اذااااني كثيررر ودمر جواتي كثثير اشياء، ما بعمري كنت بتخيل ممكن اتحسبن على حدا ولكن هوي خلاني اوصل هالمرحلة....
رسالتي لكل حدا ما تعطو حدا اكثر من حجمو والي بتعطيه اليوم الي قبالك بيشوفه بكرا اشي طبيعي وعادي ف لا تبالغ، لا بتالغ بعطائك بكرا بتنحط عالرف!