ارجع لكل الحكايات
حكاية بالصوت
شريط كاسيت من أبويا وهو في الغربة
كان بيبعت كل شهر شريط بدل الجواب. آخر شريط ماسمعناهوش غير بعد عشرين سنة.
م
محمود عبد الرحيم
٦٬٠٢٥ مشاهدة
٠
اسمع الحكاية
عن الحكاية
أبويا سافر الكويت سنة ٨٦. ماكانش بيحب يكتب، فكان بيسجل. كل شهر شريط، فيه سلام لكل واحد فينا باسمه، وأخبار الشغل، وأحيانًا أغنية بيدندنها.
الشريط ده آخر شريط بعته قبل ما يرجع. اتحط في درج ونسيناه. لقيناه بعد عشرين سنة، وكان لسه شغال.
«خلي بالك من أمك... وقولها إن الأكل هنا مالوش طعم».
