مرحبا انا اسمي س.ح من سوريا ورح احكيلكم قصة صارت معي شخصياً...
في عام 2019 عندما كان النظام السابق مستعيد جزء كبير من الاراضي يلي فقدها قبل وكانت منطقتي واحدة من هذه الاراضي يلي انقسم اهلها قسمين قسم استسلم للواقع وقسم رحل الى غير مكان لا يوجد فيه مخابرات النظام..
اخي الكبير من الاشخاص يلي طلعو ع مناطق ثانية اما انا الثاني بالعيلة وبقية العليلة استسلمنا وضلينا لقمة سائقة للنظام. كان عمري 17 سنة فقط ابي خارج القطر انا واخواتي الصغار بلبيت واذ بليلة ع ساعة 12 بليل يتطوق البيت من الاربع اتجاهات باشخاص مقنعين لابسين اسود دخلو البيت سحبوني حطو قماشة سودة براسي وسحوني ع سيارة انا هون اغمى علي موقف رهيب جدا. بذكر حطوني بالسيارة واحد برك ع يميني واحد ع يساري ومشت السيارة هين انا بكل ثانية عم فكر ب اهلي انو اش صار فيهم كيف وضعهم هذا يلي عم فكر فيه.. بعد نص ساعة من المشي ينزلوني من سيارة وبيطلعوني بسيارة ثانية بيرفعو عني القماشة بلاقي فيها شخصين قالو اهدا شغلة بسيطة هنيك تعرف..
مرت ساعتين دخلنا ع فرع مخابرات كبير بمحافظة غير محافظتي بسلموني لشخص بقلي وطخ راسك جوا ونمشي درج نزول تحت الارض انا هون يعني ما فهمان شي بحس انو حلم يعني بس بدي فيق من هالكابوس..
دخلني ع مكتبه ضل ساعة يسالني تفاصيل شخصية اسمك اسم ابوك عمامك خوالك وهيك..
بعدها دخلني ع سجن مساحته متر ب متر لحالي قعدت..
هون الشخص بحس انو خلص وصل لاخر الطريق..
كنت قبل بقول كيف المسجون يشنق حاله او نشاهد بالافلام السجين يحاول ينتحر ف نحنا نقول هذا شخص مختل عقليا..
انت هون اول شغلة بتفكر فيها هي الانتحار بشكل غير مدرك انا فكرت انو خلص قبل التعذيب والكذا انهي حياتي من اولها وما بتعذب لحتى موت..
المشكلة انو مو عرفان شو عامل شخص من المدرسة ع بيت فقط
ضليت 9 ايام ع هي الحالة اطلع مرة او مرتين ع حمام بعدلي واحد اتنين قبل ما يقول ثلاث لازم اكون طالع من الحمام...
بعدها هي المدة اخذنا غير زنزانة واسعة شوي بس نحنا شي 40 شخص مو مشكلة بالنسبة الي هداك الوقت المهم اشوف بشر كان. هي الحالة كان بعدي اليوم كانو 50 سنة بالنسبة الي يعني بفكر بحالي ب اهلي بالاشخاص يلي بحبهن يعني اتخيل بهي اللحظات بتصير تفكر ب بيتك باصغر تفصيل اش ما كان تفصيل صغير بتفكر فيه..
التعب النفسي يلي صابني.. شي مهول
مرت ايام وليالي وانا بكبر باليوم مية سنة لحتى مرت 25 يوم وما حدا حكى معي او قلي شي..
قام يوم بليل احو ضربو البواب وصراخ اشلح بالشورت وجهك ع حيط..
دخل قال اسمي اطلع انا قلت هي هيا خالص
انا بهي الحالة بالشورت الشهر الاول خوف زائد برد.
ربط ايدي لورا وحافي القدمين ودخلني ع غرفة..
بلش يحقق معي ويسالني عن اخي الكبير هون عرفت السبب اشو هو.. جاوبته انو ما بعرف شي قام ضرب ع طاولة بحس الغرفة هزت انا بهي اللحظة فقت الاحساس فقد كل شي بهيك وضع حكيت كل شي بعرفو من اول ما فتحت ع دنيا لهديك الساعة...
قام قلي ابصم و وقع بصمنا ورجعوني ع سجن..
بعدها بكم يوم اجو صاحو اسمي قالو ضب غراضك رح نرحلك ع غير سجن اخذوني ع سجن فيه ما يقارب ال2000 شخص انا دخلت لقيت اشكال الوان ختايرة اطباء مهندسين شو ما بدك موجود انا قلت هدول متلي متلهن رح ضل بقية حياتي هون...
طبعا فتت بالحكي موضوع الاكل كان جدا سيء بكل مكان وهون كان اسوء وجبة باليوم نص بطاطة مع نص خبز معفن دبر حالك شي ما بتموت، كنا بغرفة مترين ب مترين شي 10بحضن بعض كيف ما بعرف طبعا بابها مفتوح ع غرفة تانية كبيرة فيها شي200 وهييك..
انا بهي اللحظة صدري صار فيه حب وقمل من الوسخ والعالم كيف جوا..
اتعرفت ع شخص مضروب تقرير انو كان يشتغل مع الجهة المعادية للنظام وحبيته هالشخص قام قلي صرلي سنتين ما شفت ولادي..
بالاماكن الضيقة اذا شخص بيتعاطف معك ولو بكلمة بتوثق فيه مباشر انا هيك صار معي..
مرت كم يوم اخذونا ب باص ومربطة ادينا ب بعض انا والشخص.. حطونا بالغرفة للعصر ورجعونا ع نفس السجن.. وتاني يوم طلعنا ع محكمة انا هون مريت من حنب العالم والعالم كيف تتطلع فيني بحسسوني انا خراب هالبلد انا يلي ضربت ودمرت وقتلت.. هيك بحسسوك.. حطوني جوا بعد شوي دخلوني ع قاضي قلي انت ما عليك شي ورح تطلع انا هون حسيت انو انفتحت الي الدنيا كلها.. حسيت انو ملكت العالم شعور لا يوصف..
ما عدت دقائق والا بسمع الشخص يلي صار صاحبي وقعدنا سوا وحكينا سوا بدهن ياخذوه على غير سجن ما بيطلع وكان يتامل يطلع.. انا هون نسيت فرحتي بكيت بكى عليه بحياتي ما بكيته ع شخص والله ونسيت فرحتي بالمرة اخدوه وراح ولليوم ما بعرف شي عنو.
انا طلعت ورجعت الى اهلي واقاربي ولدت من جديد فيكن تقولو.. بس معاناة يلي عانيتها كبرتي كتير شفت اوجاع ناس شفت ظلم شفت تعذيب بعيني..
انا ضليت فترة اهلي براقبوني كنت بفيق بنومي ضليت اكتر من شهر اتعالج ورقية ومعالجة للحبوب يلي بجسمي..
حياتي كانت رح تنتهي من اول لحظة دخلت فيها ورجعت تمالك باخر لحظة انظلم بس لله المشتكى
راح الظلم ان شاء الله واليوم سوريا جديدة بدون ظلم ان شاء الله ورجعت اتطوعت بالجيش الجديد في سبيل ادافع عن المظلومين يلي كانو متلي ويلي شفت متلهن جواا..
هي كانت قصتي اتمنى منكم من تنسو شهدائنا يلي تقتلو بالسحون على ايدي الظلام من دعائكم الله يرحمهم جميعن ويرحمنا معهم والسلام...
From the same shelf